#ខេត្តរតនគិរី
ចេញផ្សាយថ្ងៃ១៣រោចខែកត្តិក ឆ្នាំឆ្លូវត្រីស័ក ព.ស២៥៦៥ ត្រូវថ្ងៃទី០២ ខែធ្នូ ឆ្នាំ២០២១ សូមគោរពលោកអភិបាលនៃគណៈអភិបាលខេត្តរតនគិរី
សូមមេត្តាជ្រាប÷
បន្ទាប់ពីលោក កង សារឿន អភិបាលស្រុកអណ្តូងមាស បានទទួលការតែងតាំងជាអភិបាលស្រុកថ្មី មិនទាន់បានមួយខែស្រួលផង ព្រៃឈើសហគមន៍ នូវចំណុចភូមិមុយស្រែ ឃុំញ៉ាង ស្រុកអណ្តូងមាស ក៏មានជនខលខូចនិងបក្សពួកមួយក្ដាប់តូចបានចូលកាប់ឈើយកដីរបស់រដ្ឋ មកធ្វើជាកម្មសិទ្ធិរបស់ខ្លួន។
ជាក់ស្តែងមានឈ្មួញឈើចំនួន០៣នាក់ខាងក្រោម:
១.ឈ្មោះ ខ្នា ឈ្មួញឈើចូលអារឈើឲ្យឈ្មោះ ធា កូនប្រសារ លោក ហាក់ មន្នី មេបញ្ជាការកងរាជអាវុធហត្ថស្រុកអណ្តូងមាស។
២.ឈ្មោះ រចំ ចយ អ្នកចូលអារឈើក្នុងព្រៃសហគមន៍ ភូមិមុយស្រែ ឃុំញ៉ាង ស្រុកអណ្តូងមាស
៣.ឈ្មោះ រចំ ចេង អ្នកចូលអារឈើ និងមានបក្ខពួករបស់គេជាច្រើនអ្នកទៀតបានបញ្ជាក់ថា ឈ្មោះ រ៉ុណ (ហៅ អន្ទិត រ៉ុណ)មានផ្ទះបច្ចុប្បន្ន នៅផ្សារញ៉ាងស្រុកអណ្តូងមាស យុវជនរូបននេះគ្មានតួនាទីគ្របខណ្ឌជាសមសមត្ថកិច្ចហើយតាំងខ្លួនជាសមត្ថកិច្ច ចាំចាប់ឈើ និងរណាយន្ត
ដែលចូលអារឈើមិនបង់លុយឲ្យខ្លួន លើសពីនេះជននោះកាងឈើគ្រឿងផ្ទះនៅតំបន់ស្រុកអណ្តូងមាស ឲ្យឈ្មោះ ធា ទៀតផង។
ជុំវិញបញ្ហាចូលកាប់យកឈើលក់នៅព្រៃសហគមន៍(ភូមិមុយស្រែ)ឈ្មោះខ្នា ដែលមានផ្ទះស្នាក់នៅទីនោះថា បើលោក ធា ជាថៅកែឈើក្រហមគ្រឿងផ្ទះនៅស្រុកអណ្តូងមាសទាំងមូល បើមិនជួយកាងបង់លុយឲ្យទៅសមត្ថកិច្ចគ្រប់ជំនាញនោះទេ លោកក៏ឈប់ចូលអារឈើគ្រឿងផ្ទះលក់ឲ្យទៀតដែរ។
យ៉ាងណាក៏ដោយ ទាក់ទិនទៅព្រៃសហគមន៍ ភូមិមុយស្រែ ដែលក្រុមឈ្មួញឈើចូលកាប់យកឈើគ្រឿងផ្ទះដែលមានតម្លៃគិតជាសាច់ប្រាក់(រាប់ម៉ឺនដុល្លា)
មិនតែប៉ុណ្ណោះថែមទាំងទន្ទ្រាន់យកដីរដ្ឋបន្ថែមទៀតរាប់ហិកតា
ចំណែកលោក កង សារឿន អភិបាលស្រុកអណ្ដូងមាសក្រោយពីបានទទួល របាយការណ៍ និងរូបភាព ព័ត៌មានពីក្រុមការងារយើងខ្ញុំរួចមកក៏ស្ងៀមស្ងាត់នៅមិនទាន់បានទទួលដំណឹងមក
ពីលោកអភិបាលស្រុកអណ្តូងមាសនៅឡើយទេ។
តែផ្ទុយទៅវិញសកម្មភាពការកាប់ឈើទន្ទ្រានយកដីនៅតែបន្តជារៀងរាល់ថ្ងៃនៅតែមិនបានទទួលការបកស្រាយពីលោកអភិបាលស្រុកអណ្ដូងមាសដដែល។
ជាចុងក្រោយអង្គភាពគេហទំព័រ SMD សរសេរចុះផ្សាយតែសាម៉ីជនដែលបានប្រព្រឹត្ត ហើយបើសាម៉ីជននោះមានភស្តុតាងថាខ្លួនមិនបានប្រព្រឹត្តឬចូលរួមក្នុងការកាប់ឈើទន្ទ្រានយកដីរដ្ឋនោះទេ អង្គភាពយើងខ្ញុំនឹងធ្វើការបកស្រាយសារជាថ្មីរៀងរាល់ម៉ោងធ្វើការ អង្គភាពយើងខ្ញុំមិនមានចេតនាចុះផ្សាយឲ្យមានការរើសអើងគ្នាឬបំពុលសង្គមនោះទេ
(រឹះគន់ក្នុងន័យស្ថាបនា)។
(មាន ត)
No comments:
Post a Comment