កម្លាំងមូលដ្ឋានកងរាជអាវុធហត្ថ ស្រុកភ្នំស្រួច សហការជាមួយការិយាលយ័ជំនាញ ខេត្តកំពង់ស្ពឺ បង្ក្រាបករណីចែកចាយ ប្រើប្រាស់គ្រឿងញៀនឃាត់ខ្លួនបានមនុស្ស ចំនួន៣នាក់ រួមទាំងវត្ថុតាងជាក់ស្តែង

កំពង់ស្ពឺ៖ ដោយមានបទបញ្ជាពី លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្ត ព្រឹកថ្ងៃទី០៥ ខែកញ្ញា ឆ្នាំ២០២១ លោកវរសេនីយ៍ត្រី យស ឌីណា មេបញ្ជាការ ស្រុកភ្នំស្រួច បានដឹកនាំកម្លាំងមូលដ្ឋានកងរាជអាវុធហត្ថ ស្រុកភ្នំស្រួច សហការជាមួយការិយាលយ័ជំនាញកងរាជអាវុធហត្ថខេត្តកំពង់ស្ពឺ ធ្វើការបង្ក្រាបករណីចែកចាយគ្រឿងញៀន នៅចំណុចចំការស្វាយ ក្នុងភូមិក្រាំងរលួស ឃុំអូរ ស្រុកភ្នំស្រួច ខេត្តកំពង់ស្ពឺ ដោយបានឃាត់ខ្លួនជនសង្ស័យបានចំនួន ០៣នាក់ៈ

១- ឈ្មោះ វន វុទ្ធ ភេទប្រុស អាយុ ២៣ឆ្នាំ មុខរបរមិនពិតប្រាកដ រស់នៅភូមិ ឃុំ ខាងលើ ។

២- ឈ្មោះ ធឹន ធន់ ភេទប្រុស អាយុ ២៦ឆ្នាំមុខរបរមិនពិតប្រាកដ រស់នៅភូមិ ជន្លង់ម្លូ ឃុំព្រៃរំដួល ស្រុកភ្នំស្រួច ខេត្តកំពង់ស្ពឺ ។

៣- ឈ្មោះ ខឹម ស្រីទូច ភេទស្រី អាយុ២១ឆ្នាំ មុខរបរមិនពិតប្រាកដ រស់នៅភូមិត្រពាំងស្តុកគ្រួ ឃុំអូរ ស្រុកភ្នំស្រួច ខេត្តកំពង់ស្ពឺ ។

វត្ថុតាងចាប់យកមានម្សៅក្រាមពណ៌សរចំនួន ៣៤កញ្ចប់, ទូរស័ព្ទដៃចំនួន ០៧គ្រឿង៣ ដាវចំនួន០២, ដែកកេះចំនួន ០២ និងថង់ច្រកថ្នាំមួយចំនួន។

បច្ចុប្បន្នជនសង្ស័យ និងវត្ថុតាងខាងលើបានបញ្ជូនមកបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីបន្តនីតិវិធី។