រថយន្តដឹកបិតឃ្លុបជឹតព្រលះជាមួយនឹងបង្គោលភ្លើងពេញទំហឹងធ្លាយពេញមកសុទ្ធតែទឹកកកបែករាយពេញផ្លូវទាំងព្រឹក...

ភ្នំពេញ÷បុរសម្នាក់បើករថយន្តដឹកទឹកកក បើកបរមិនប្រយ័ត្នចង្កូតទៅបុកជាមួយនឹងបង្គោលភ្លើងបំភ្លឺផ្លូវរងការខូចខាតយ៉ាងដំណំ សំណាងល្អអ្នកបើកបរនិងអ្នកធ្វើដំណើតាមដងផ្លូបរួចផុតពីគ្រោះថ្នាក់ ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៦នឹង២០នាទីព្រឹក ស្ថិតតាមបណ្ដោយផ្លូវ២០១១ ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលហេតុការណ៍នេះបានកើតឡើងបានឃើញបុរសម្នាក់បើករថយន្តកូរ៉េពណ៌ស មួយគ្រឿងពាក់ស្លាកលេខភ្នំពេញ2R-0167 បិតឃ្លុបជឹត បើកធ្វើដំណើរតាមបណ្ដោយផ្លូវ២០១១ ក្នុងល្បឿនលឿន វណ្ណៈពេលមកដល់ត្រង់នឹងចំណុចកើតហេតុខាងលើស្រាប់តែរេចង្កូតទៅបុកជាមួយនឹងបង្គោលភ្លើងបំភ្លឺផ្លូវមួយដើមនៅនឹងចិញ្ចឹមផ្លូវពេញទំហឹងដាច់ជញ្ជាំងទ្រុងធ្លាក់ចេញមកសុទ្ធតែទឹកកក បែករាយពេញផ្លូវរថយន្តបង្កបានរងការខូចខាតយ៉ាងដំណំ សំណាងល្អអ្នកបើកបររួចផុតពីគ្រោះថ្នាក់។

ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ត្រួតពិនិត្យមើលរួចរាល់ឃើញថារងការប៉ះពាល់ទៅដល់បង្គោលភ្លើងបន្តិចបន្តួចទើបសមត្ថកិច្ចឱ្យម្ចាស់រថយន្ដយហៅរថយន្តអូសយកចេញពីកន្លែងកើតកើតហេតុដើម្បីទៅធ្វើការអាចជួសជុលដោយខ្លួនឯងដើម្បីបញ្ចប់រឿង។