ឯកឧត្តម សុខ លូ អភិបាលខេត្តបាត់ដំបង អញ្ជើញដឹកនាំក្រុមការងារជំនាញចុះពិនិត្យស្ថានភាពផ្លូវថ្នល់ក្នុងភូមិសាស្រ្ដក្រុងបាត់ដំបង ដែលទទួលរងការខូចខាត

នៅរសៀលថ្ងៃចន្ទទី២៥ ខែតុលា ឆ្នាំ២០២១ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានដឹកនាំក្រុមការងារជំនាញរួមមាន លោក សឿម ប៊ុនរិទ្ធិ អភិបាលរង នៃគណៈអភិបាលខេត្ត លោកប្រធានមន្ទីរសាធារណការ និងដឹកជញ្ជូនខេត្ត និងលោកអភិបាល នៃគណៈអភិបាលក្រុងបាត់ដំបង បានអញ្ជើញចុះត្រួតពិនិត្យស្ថានភាពផ្លូវថ្នល់ក្នុងភូមិសាស្រ្ដក្រុងបាត់ដំបង ដែលទទួលរងការខូចខាតផងដែរ។ 

ឆ្លៀតក្នុងឱកាសនោះ ឯកឧត្តមក៏បានអញ្ជើញចុះពិនិត្យមើលវឌ្ឍនភាពនៃការសាងសង់ច្រាំងស្ទឹងសង្កែ ដែលរដ្ឋបាលខេត្តកំពុងធ្វើការជួសជុលកែលម្អច្រាំងស្ទឹង ដែលនៅជាប់នឹងសួនច្បារសម្ដេចក្រឡាហោម ស ខេង៕