ថ្ងៃទី០៧ខែកក្កដាឆ្នាំ២០២៤
(ខេត្តព្រះវិហារ)÷ឈ្មោះ ប៊ុណ្ណា មេឈ្មួញឈើដុះស្លែជាឈ្មួញឈើដ៏សកម្មដឹកកគ្រឹគគក្រេងកក្រើកតាមដងផ្លូវលេខ៦២រៀងរាល់យប់ថ្ងៃហើយសម្រុកដឹកជញ្ជួនតាមរថយន្តសាំយ៉ុងកែឆ្នៃ ចំនួន១គ្រឿង យកទៅលក់នៅខេត្តកំពង់ធំនៅពេលយប់ រីឯ សមត្ថកិច្ចឈរជើងតាមដងផ្លូវនិងរដ្ឋបាលព្រៃឈើ ស្រុករវៀង ខេត្តព្រះវិហារមិនមានចាត់វិធានការបង្ក្រាបឈ្មួញឈ្មោះប៊ុណ្ណានោះឡើយបុគ្គលរូបនេះសម្រុកដឹកជញ្ជួនតាមរយៈរថយន្ត សាំយ៉ុងកែឆ្នៃចំនួន១គ្រឿង យកទៅលក់ចែកចាយក្នុងទឹកដីខេត្តកំពង់ធំនៅពេលយប់ រីឯលោកស៊ុម ស៊ីវុត្ថាប្រធានផ្នែករដ្ឋបាលព្រៃឈើរវៀងមិនដែលចាត់វិធានការបង្ក្រាបនោះទេ។
មន្ត្រីអង្គការក្រៅរដ្ឋាភិបាលដែលឃ្លាំមើលបទល្មើសព្រៃឈើក្នុងខេត្តព្រះវិហារបានលើកឡើងថាផ្នែករដ្ឋបាលព្រៃឈើរវៀងនិងសង្កាត់រដ្ឋបាលរវៀងគ្មានឆន្ទៈក្នុងការបង្ក្រាបបទល្មើសព្រៃឈើនោះទេ។
ដូច្នេះហើយទើបឈ្មួញឈ្មោះ ប៊ុណ្ណានិងបក្សពួកនៅតែធ្វើសកម្មភាពកាប់បំផ្លិចបំផ្លាញព្រៃឈើដឹកជញ្ជូនចេញពីចំណុច ភូមិរំចេកឃុំរមណី ស្រុករវៀងខេត្តព្រះវិហារ ឈ្មួញឈើឈ្មោះប៊ណ្ណាបានកៀងគរប្រជាពលរដ្ឋឲ្យកាប់ផ្តួល រលំ អារ ជៀរ ដឹកតាមប្រភេទរថយន្តសាំយ៉ុងកែរឆ្នៃ ចំនួន១គ្រឿង បានយ៉ាងពេញបន្ទុក សមត្ថកិច្ចជំនាញពាក់ព័ន្ធក្នុងស្រុករក្សាភាពស្ងៀមស្ងាត់។
ប្រការនេះកំពុងធ្វើឲ្យព្រៃឈើក្នុងតំបន់ព្រៃការពារ សហគមន៍ក្នុងស្រុកឆែប និងស្រុករវៀង ចៀសមិនផុតពីសេចក្ដីវិនាសសាបសូន្យ នៅក្នុងពេលឆាប់ៗខាងមុខនេះឡើយ។
សកម្មភាពរបស់ក្រុមឈ្មួញដឹកជញ្ជូនឈើកាត់មុខស្នាក់ការសង្កាត់រដ្ឋបាលព្រៃឈើរវៀងគ្មានមន្ត្រីជំនាញ ឬសមត្ថកិច្ចណាទប់ស្កាត់ទេគឺមានតែជួយសម្រួលឲ្យឈ្មួញដឹកជញ្ជូនឈើទៅដល់គោលដៅយ៉ាងរលូន។
ប្រជាសហគមន៍ក៏ដូចជាប្រជាពលរដ្ឋ ក្នុង ស្រុករវៀងខេត្តអំពាវនាវដល់ ឯកឧត្ដមគីម រិទ្ធី អភិបាលព្រះវិហារមេត្តាទប់ស្កាត់បទល្មើសព្រៃឈើធនធានធម្មជាតិ ព្រមទាំង លោក ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់ នេសាទ មេត្តាចាត់មន្ត្រីក្រោមឱវាទចុះត្រួតពិនិត្យជាបន្ទាន់ បើមិនដូច្នោះទេ ព្រៃឈើដែលនៅសេសសល់បន្តិចបន្តួច ពិតជាវិនាសអស់ក្រោមស្នាដៃលោកស៊ុម ស៊ីវុត្ថាជាក់ជាពុំខាន់៕
No comments:
Post a Comment