ទីតាំងល្បីស៊ីសងតាមប្រព័ន្ធអនឡាញ ក្នុងស្រុកភ្នំស្រួច គ្មានសមត្ថកិច្ចជំនាញបង្ក្រាបឡើយ

#ខេត្តកំពង់ស្ពឺ
ចេញផ្សាយថ្ងៃសៅរ៍១៣កើត ខែស្រាពណ៍ ឆ្នាំរោង ឆស័ក ពុទ្ធសករាជ២៥៦៨ត្រូវនឹងថ្ងៃទី១៧ខែសីហាឆ្នាំ២០២៤ ទីតាំងបនល្បែងស៊ីសង តាមប្រព័ន្ធអន ឆ្នោតឡូតូ នឹងមាន់ជល់ ក្នុងតារាងប៉ាល់ទះ មានតាបប៊ីយ៉ាលេងមាន់ក្នុងកុំព្យូទ័រ កំពុងបើកលេងយ៉ាងរលូនដែលស្ថិតនៅជាប់ផ្លូវជាតិ៤ ទល់មុខពេទ្យសម្ភពត្រពាំងក្រឡឹងឋិតក្នុងភូមិផ្សារត្រពាំងក្រឡឹង ឃុំគិរីវ័ន្ត ស្រុកភ្នំស្រួច ខេត្តកំពង់ស្ពឺ គ្មានអាជ្ញាធរនិងសមត្ថកិច្ចក្នុងស្រុកភ្នំស្រួច ហាក់សំងំស្ងៀមមិនបង្ក្រាបទាល់តែសោះ។


ពលរដ្ឋបានលើកឡើងថា សង្ស័យអាជ្ញាធរមិនចុះបង្ក្រាបឬ មួយសង្ស័យត្រូវថ្នាំសណ្ដំមេបនល្បែងសុីសងតាមប្រព័ន្ធអនឡាញហើយមើលទៅ?បានជាសំងំរក្សាភាពស្ងៀមស្ងាត់ធ្វើមិនដឹងមិនឮបែបនេះ។

មហាជនបានលើកឡើងថា មូលហេតុដែលអស់លោកអាជ្ញាធរនិងសមត្ថកិច្ចក្នុងស្រុកភ្នំស្រួច រក្សាភាពស្ងៀមស្ងាត់ចំពោះទីតាំងល្បែងស៊ីសងឆ្នោតឡូតូតាមប្រព័ន្ធអនឡាញខាងលើនេះ បានដាក់ការសង្ស័យទៅលើទីតាំងខាង លើនេះអាជ្ញាធរបើកភ្លើងខៀវទើបទីតាំងល្បែងស៊ីសងមួយនេះបើកបានដោយរលូនដូច្នេះ។

ពលរដ្ឋក្នុងស្រុកភ្នំស្រួច បានសំណូមពរ ដល់ឯកឧត្តម ជាម ច័ន្ទសោភ័ណ  អភិបាលនៃគណៈអភិបាលខេត្តកំពង់ស្ពឺទើបផ្លាស់ប្ដូរមកថ្មី និងឪត្តមសេនីយ៍ទោ ឃឹម សុក ខៃ ស្នងការដ្ឋាននគរបាលខេត្តកំពង់ស្ពឺ សូមជួយចាត់វិធានការ ទៅលើល្បែងស៊ីសងឡូតូ តាមប្រព័ន្ធអនឡាញ ខាងលើ នេះផងដើម្បីស្របតាមគោលការណ៍ ភូមិ ឃុំ មានសុវត្តិភាព ៕

ជាចុងក្រោយអង្គភាពគេហទំព័រ SMD សរសេរចុះផ្សាយតែសាម៉ីជនដែលបានប្រព្រឹត្ត ហើយបើសាម៉ីជននោះមានភស្តុតាងថាខ្លួនមិនបានប្រព្រឹត្តនោះទេ អង្គភាពយើងខ្ញុំនឹងរងចាំការបកស្រាយពីសាម៉ីជននោះរៀងរាល់ម៉ោងធ្វើការ អង្គភាពយើងខ្ញុំមិនមានចេតនាចុះផ្សាយឲ្យមានការរើសអើងគ្នាឬបំពុលសង្គមនោះទេ
(រឹះគន់ក្នុងន័យស្ថាបនា)។ព័ត៌មានបឋម